Од почетокот на пандемијата до сега вкупниот број невработени се зголеми за 46.000 лица.
Од Агенцијата за вработување тврдат дека без работа поради Ковид останале скоро 16.000 ( 15858). Од нив, само во октомври се нешто над 1,000 лица. Најголем дел ( 7289) се на возраст од 30 до 49 години, кога се најработоспособни, но има и скоро 4.000 над 50 годишна возраст.
Причините за отпуштања на најголемиот дел, ( 7,000) се дека им истекле договорите за работа, останатите или спогодбено си дале отказ или го добиле од работодавачот. Има и 450 лица кои останале без работа поради престанок на фирмата со работа.
Најмногу отпуштања има во преработувачката индустрија (5713 лица) и трговијата на големо и мало (3,076). Во услужниот сектор без работа останеле близу 1.400 лица или под 10%.
Работното место најчесто го губат граѓаните со средно или основно образование. . Но според податоците на Агенцијата за вработување и 3,000 лица со високо образование останеле без своето работно место.
