Дури и со овој ребаланс на буџетот, истата логика продолжува, иако во време на криза се потенцира политичката димензија, а не финансиската и економската димензија на буџетот, реагираат во соопштение од Алијанса за Албанците.
Со овој ребаланс, велат од партијата, Владата се демантира себеси во сите досегашни презентирани сценарија.
–Намалувањето на приходите од буџетот во нај оптимистичкото сценарио на Министерството за финансии предвидува намалување за 20%, додека истите се планирани со намалување од само 11,5%! Бидејќи сме ограничени во информациите и сè уште не ја знаеме динамиката на рестартирање и отворање на економијата, едноставно се сомневаме дека ова е одржливо планирање на приходите од буџетот, велат од партијата.
Оттаму се сомневаат дека можеби се планира и некое зголемување на данокот како тој со акцизата. Предупредувањето за намалување на јавната потрошувачка до 2% се претвори во пораст од 1,4% (53,7 милиони евра). Образложението дека е помало зголемување на јавната потрошувачка отколку во земји како Германија, Финска, доваваат од партијата, не бара коментар.
-Иако беше најавено зголемување и динамизирање на капиталните инвестиции неопходни за економското закрепнување, тие сепак беа жртвувани, со пад за 4,2 милијарди денари, додека последователните расходи се зголемени за 9,6 милијарди денари! Намалувањето на платите и надоместоците за само 0,4% го изразува досегашниот тренд на предизборно вработување и не намалувањето на трошоците за работа (веќе прекинато заради неактивност) на партиските службеници, вработените со договори на дело пред изборите и за стимулирање на партиски активизам!, потенцираат од Алијансата на Албанците.
Не секој поттик за приватна и јавна потрошувачка има економска продуктивност. Категоријата каде има простор за поголеми намалувања се добрата и услугите. Изненадувачки, истите беа намалени за само 1,5% од првичното планирање. Не беа направени заштеди од непродуктивните трошења за да се задржи буџетскиот дефицит барем за 1% помал. Ова секако носи дополнителен товар на фискалниот простор што ќе биде многу потребен во иднина!
За жал, додаваат од партијата, и овој пат имаме прераспределување на средства на политички и воопшто не економски критериуми.
